5 حاجات عشان تبقى مشهور على “تيك توك”

المصريين بعد انتشار فيروس كورونا اكتشفوا إن الفضا فعلًا طلع وحش، القعدة في البيت خلت الناس تعيد اكتشاف نفسها، الرجالة دخلوا المطبخ، والستات دخلوا التاريخ عشان سمحوا للرجالة يستخدموا النيش.

الحقيقة لو فيه حد استفاد من عزل المصريين في البيت هو تطبيق “تيك توك”، اللي كانت في البداية سمعته مش حلوة قوي في الشرق الأوسط عشان اتفهم إنه موجه للمراهقين بس، لكن فجأة حصلت هجرة جماعية من الفيسبوك وتويتر لعالم التيك توك، وكل الناس بقت تمثل وتطلع مواهب مدفونة، ولو المصريين كملوا بالطريقة دي الشعب كله هيقدم في معهد السينما بعد ما نخلص على كورونا.

فيه ناس بقت مشاهير على تيك توك في الأيام الأخيرة، لو عايز تبقى زيهم فيه حاجات لازم تعرفها وتشتريها قبل ما تعمل أول فيديو على تيك توك.

1- لهفة الحلواني

دنيا سمير غانم في مسلسل “لهفة” كانت بتقول على نفسها فنانة شاملة، اعمل زي لهفة الحلواني بالظبط، ادخل التيك توك بقلب جامد، وقول أنا موهوب وفنان شامل، العب كل الأدوار اللي بتحبها، اعمل السقا وحلمي وكريم عبد العزيز، من الآخر كده بلاش كسوف.. اللي يتكسف على السوشيال ميديا ميجبش منها مشاهدات.

2- اوعى وشك

قبل ما تبتدي على تيك توك اعمل بروفة، جرب تقف قدام المرايا أو كاميرا الموبايل، وياريت تكون كاميرا جامدة زي أوبو وهاواي، والاتنين دلوقتي سعرهم في السوق على جوميا مثلًا مبقاش غالي زي الأول، جرب بكاميراتهم تحرك عضلات وشك وتبرق بعينيك وتضيقها، ده راس مالك على تيك توك اللي بيخلي الناس تركز معاك، التمارين دي بتجهزك عشان تتقمص الشخصيات اللي بتستلف صوتها فيديو مدته ثواني.

3- لا سني ولا لياقتي

اوعى تعمل زي عزت العلايلي في “الطريق إلى ايلات” وتقول سني ولياقي، مهما كان عمرك انت لسه شباب، ابعد عن الكلاسيك وهات كاجوال، ولو عايز تجدد اشتري تيشرتات عن طريق الأونلاين من سوق وأمازون أو جوميا، وعيش أيامك عيش لياليك خلي شبابك يفرح وهالله هالله على الفانلة.

4- عاشق افيهات

لازم تكون فاكر افيهات السيما كويس وبتحبها عشان تعرف تمثل، الفرصة قدامك عشان تثبت موهبتك وتجيب مشاهدات بالملايين، الحكاية بسيطة خالص اعملها وانت سايب ايدك.

5- عيش بشوقك

دماغك في التيك توك املاها على ذوقك، اعمل لنفسك استايل متقلدش طريقة حد، فيه ناس بقوا نجوم تيك توك أكتر من نجوم التمثيل اللي على التيك توك نفسه.