5 أفلام لازم يشوفهم عشاق السفر عبر الزمن

كتب: معتمد

فكرة السفر عبر الزمن في الأفلام دايمًا الورقة الكسبانة في شباك الإيرادات السينمائي، لإن الجمهور بيحب يتفرج دايمًا على الخيال المرتبط بهاجس دايمًا مسيطر على تفكيره، يحصل إيه لو قدرنا نرجع للماضي ونصلح الأخطاء، أو نروح المستقبل عشان نعرف نتيجة أفعالنا إيه؟

مفيش فيلم سفر عبر الزمن سقط جماهيريًا، الحبكة دايمًا تعتمد على مفارقات إنك تقابل نفسك في الماضي أو المستقبل، وعلى هذا الاساس بتتغير أحداث كتيرة في التاريخ.

تعالوا نشوف بعض الأفلام اللي ممكن تستمتع بالفرجة عليها عن السفر عبر الزمن.

1/ looper

تخيل لما تكون شغلتك في الحياة إنك تقتل ناس جايين من المستقبل، منظمة سرية بتوظف الشباب يقتلوا عواجيز من المستقبل، لحد يوم بيكتشف بطل الفيلم إنه واقف قدام نفسه بعد 30 سنة، لكن قبل ما يقتل نفسه في المستقبل، بتتغير قواعد اللعبة وتبدأ مطاردة بين البطلين اللي في الأساس شخص واحد الحاضر والمستقبل.

العلاقة بين حاضر البطل ومستقبله، زي العلاقة بين تلفزيون انتاج التسعينات معاه ريموت كنترول، و تلفزيون  ال اي دي، الأخير طول الوقت عمال يتكلم عن عيوب الأولاني عشان أقدم منه ومفيهوش مزايا اتش دي ار تفاعلي، ولا الوان ديناميكية، ثم القديم مش هتلاقيه على أمازون نازل بأقل من سعره في السوق بفرق 500 جنيه.

2/ Predestination

الفيلم ده بالذات تجربة متميزة في الخيال والعلمي والسفر عبر الزمن، عشان تشوفوا لازم تركز مع كل تفصيلة وحركة من الأبطال عشان الألغاز اللي هتكشف عن نفسها في النهاية محتاجة صورة واضحة تلقط منها التفاصيل، البطل هنا شرطي بيطارد إرهابي لكن الاتنين بيسافروا في الزمن، والمفروض إن الشرطي بيطلب دعم كاتب روايات في السبعينات عشان عملية إرهابية كبيرة راح فيها الآف البشر، لكن الكاتب ده عنده حكاية مرتبطة بالظابط والإرهابي هتخلينا مشدودين للأخر، الفيلم ده فعلًا “مش هتقدر تغمض عينك”.

نصيحة عشان تقدر تتابع الفيلم ده بتركيز كبير لازم شاشة كبيرة، ومؤثرات صوت عالية عشان تتابع كل تفصيلة، روح جوميا وسوق هتلاقي عروض كتير تقدر تختار منها التلفزيون اللي يخليك تتفرج على الفيلم يمزاج.

 3/ edge of tomorrow

فيلم من بطولة توم كروز يبقى أكيد حقق نجاح تجاري وأكشن وحركات، هنا توم طالع متحدث عسكري منزلش معركة واحدة في حياته، فجأة بيلاقي نفسه في حرب في المستقبل مع كائنات غريبة، المدهش إنه اتصاب في أول مواجهة لكن حصلت حاجة خلت كل الأحداث تتكرر في حلقة زمنية.

رغم تكرار الأحداث لكن مش هتقدر تمل من الفيلم، لإن بيحصل في كل مشهد تغيير صغير ليه تأثير كبير، وبصراحة خفة دم ولياقته البدنية شالوا الفيلم، هتسافر معاه في كل مشهد وترجع لنقطة البداية، وعشان تحس بإنك مع توم كروز فعلًا يبقي لازم تشتري نضارة واقع افتراضي “في آر” وتشوف الفيلم مع الموبايل ودي شعرها رخيص جدًا بالمقارنة مع الخدمة.

4/ About Time

معظم أفلام السفر عبر الزمن لازم تكون أكشن وحركة، لكن الفيلم ده الحكاية مختلفة تمامًا، شاب بيعرف من أبوه إنهم أصحاب قدرات خارقة، كل المطلوب إنك تتخيل الزمن اللي عايز تروحه، القصة بسيطة رومانسية وفيها نقلات إنسانية جميلة، ومشهد الابن والأب في النهاية هتنفعل معاهم “جهز المناديل” لو دمعتك قريبة.

5/ Mirage

فيلم إسباني عظيم جدًا، تخيل لو التلفزيون اللي في بيتكم شاشته تحولت لنقطة سفر عبر الزمن، يعني انت قاعد في سنة 2020 واللي في الشاشة واحد تاني قدام تلفزيونه وشايفك من عام 1984، هو ده اللي حصل بالظبط، بطلة الفيلم أنقذت طفل في الثمانيات من مصير الموت في حادثة، لكن التغيير اللي عملته ده هيأثر على حياتها في الحاضر، هتفقد زوجها وبنتها، وكل حاجة في حياتها هتختفي.

أسعار المنتجات الواردة في المقال قابلة للتغيير في أي وقت من قبل المتجر الشريك لوفرإكس