إزاي “جوميا” بـ تحميك من فيروس كورونا؟

كتب: معتمد

 فكر كده لو فيروس كورونا ظهر في زمن تاني قديم..كانت الحياة هيبقى شكلها إيه؟.. وقتها مثلًا مكنش هيبقى فيه تسويق أونلاين، يعني لما تحتاج تشتري حاجة تروح تجيبها بنفسك ونسبة المخاطر تزيد أضعاف الأرقام اللي بنسمعها دلوقتي، ويمكن شكل الحضارة كله يتغير لما نضطر للمقايضة وتبادل البضاعة عشان مفيش تكنولوجيا وقتها.

التسويق الأونلاين زي جوميا أو سوق وغيرها، اثبت إنه مش رفاهية بالعكس طلع شئ أساسي في حياتنا لما ظهرت الضرورة، هي كده الحياة من زمان عشان نتقدم لازم نتزنق في مصنع الكراسي بتاع الكوارث الطبيعية، وإن كان فيه مليون واحد عارفين قيمة “جوميا” دلوتقي بقوا 100 مليون.

طيب هو التسويق الأونلاين ممكن يساعدك إزاي ضد كورونا، الموضوع سهل وبسيط، حركة الشراء من تطبيق اليكتروني متخصص في التسويق الأونلاين بتديك مزايا كتير جدًا، أهمها إنها بتحميك من الإصابة بالفيروس، عايز تفاصيل.. طيب ركز في اللي جاي قوي.

1/ مفيناش لف ودوران

على رأي الكينج محمد منير “مفيناش حاورينى يا كيكا .. مفيناش لف ودوران”، إنت مش محتاج تدور على كمامة بفلتر في عشرين صيدلية، وكلهم يعتذروا لك إنها ناقصة في السوق، هو أصلًا الحركة الكتير ضد فكرة #خليك_في_البيت.

لكن مع جوميا مثلًا إنت بتدخل التطبيق بتختار الكمامة اللي بتدور عليها، وبتاخد عليها كمان خصومات، كل ده وإنت قاعد في البيت محافظ على نفسك، ولما المندوب بيوصلك الكمامة بتلاحظ إنه بيكون لابس أدوات التعقيم وهو بيسلمك البضاعة متغلفة.

 2/ بتعلي سقف الطموحات

لو دورت جوه التطبيق على كمامة عشان تنزل الشارع بتكتشف منتجات تانية ممكن تساعدك على الحركة في أمان اكتر، يعني في جوميا مثلًا هتلاقي بدلة بيضا شفافة نازلة بخصم 80%، أيوة الرقم صح جدًا، بدلة بتغطي جسمك كله تحميك من التراب والغبار بـ39 جنيه رغم إن سعرها الأصلي 199 جنيه.

البدلة دي مش بس وفرت عليك فلوس، كمان وفرت استهلاك الهدوم السريع لأنك كل مرة بتنزل الشارع ولو حتى رايح تشتري قلم جاف، لازم تروح البيت تحطها في الغسالة وتعقم وتنشر.. كل ده عشان نزلت مشوار بسيط، لكن مع البدلة اللي وفرها لك التسويق الاونلاين إنت كده بتحمي نفسك أكتر.

3/ لا تراجع ولا استسلام

ما تروح دلوقتي تشتري حاجة ويطلع فيها عيب وتيجي ترجعها، البياع وشه بيحمر، وتبص تلاقي الايمان والتقوى يا خال راحوا.. وزبيبه الصلاة طارت.. ويقلك ملكش حاجة عندي، زي عادل إمام في الواد سيد الشغال، حتى لو استردها بتحس ان فيه حاجة غلط والثقة بتقل.

لكن مع جوميا الحكاية مختلفة بالعكس الثقة بتزيد، لإنك لما بتشتري منتج وبيحصل استثناء إنه مش مناسب، بتتصل بخدمة العملا وبمنتهي الهدوء ييبدلوا المنتج، ويجيلك المندوب يسلمك المنتج المظبوط، يعني محدش هيتحايل على قانون حماية المستهلك معاك خالص.

4/ بتشتري قبل ما تشتري

بذمتك لما بتشتري حاجة من محل البياع هيديك وقت قد إيه؟.. أكيد لو هتنزل تشتري  من صيدلية كحوليات وكمامة الإجابة هتكون على قد السؤال، فيه 100 زبون غيرك في الصف، لكن مع جوميا بتكون في صف لوحدك براحتك خالص تقرا المواصفات وتعرف جودة المنتج، وبعد تفكير عميق بتقرر وتشتري، المهم تكون اشتريت عن اقتناع.

5 / البلالااااااالم

مفيش حاجة اسمها منتج مجهول المصدر، نظام العلبة البيضا اللي عليها اسم الفنكوش أو البلالالم مش موجود في عالم التسويق الاونلاين، كل شركة ليها اسم كبير في السوق بتحافظ على سمعتها، وجوميا مش هتغامر وتبعت للعميل منتج مجهول المصدر، صحيح إنت اللي اخترت في الأول، بس عشان التسويق الاونلاين ده راس ماله المصداقية والثقة، لازم يوفر لك شركات محترمة في الجودة تخليك مبسوط وفاهم اشتريت منين وليه.. مش تعمل نفسك فاهم يعني البلالالم.

أسعار المنتجات الواردة في المقال قابلة للتغيير في أي وقت من قبل المتجر الشريك لوفرإكس