على فكرة.. سواقة الستات طلعت مش أوحش حاجة

لو داخل الموضوع ده عشان تشوف فيديوهات لسواقة الستات الغلط للعربيات واللي بتودي لحوادث كتيرة، يبقي للأسف الحيطة سد، التقرير ده هيدافع عن الستات اللي بتسوق عربيات، الصراحة هو العيب في العربية مش في الستات نفسهم، والدليل على كده إن اول حد ساق عربية في الدنيا كانت واحدة ست!

في ألمانيا كان فيه بنت ناس اغنيا جدًا اسمها بيرتا، البنت دي كانت متدلعة جدًا جدًا، لكن سبحان الله زي الأفلام العربية القديمة لما قررت تتجوز وتحب اختارت مهندس مكيانيكا لسه بيبني نفسه اسمه كارل بينز.

بعد شوية مواقف رفض، العيلة وافقت على كارل، وبقت بنتهم هي بيرتا بينز، وعاشوا في تبات ونبات وخلفوا صبيان وبينات، بس كارل كان مخبي على مرات إن ليها ضرة، كارل كان سايب مراته وعياله ومفرغ كل حياته لاختراع عربية تمشي بمحرك، طبعًا هو شاف العجب ايامها واتهموه بالجنون، إزاي يعني حتة حديدة هتمشي لوحدها من غير حصان.

بيرتا كانت مصدقة جوزها جدًا، وفي يوم صحي لاقى مراته وعياله مش في البيت، لكن لقى جواب منها انا قررت تستخدم اختراعه وتسافر لعيلتها بيه، الست بيرتا كانت ذكية جدًا اختارت تمشي في الطريق العام عشان ناس كتير يشوفوها، واشترت جاز من الصيدلية عشان تمون العربية وعملت احسن تسويق ودعاية لاختراع جوزها، وعقبال ما وصلت مشوارها كانت ألمانيا كلها بتتكلم عن الاختراع العجيب.

 وبعدها بقى كارل وبيرتا من الاغنياء، مش بس كده كمان الطريق اللي مشيته بالعربية بقى مزار سياحي ولسه الحكاية عايشة لحد النهاردة، طبعًا كل رجالة العالم لما يعرفوا القصة دي ميقدروش يقولوا العيب في سواقة الستات، بس ممكن نساعدهم عشان ميعملوش حوادث إزاي؟

ببساطة، الست لازم تعرف يعني إيه سواقة أصلا وإزاي تركن، وبعدها نشتري حاجات من الأونلاين لصيانة العربية، ونبتدي نعرف الست تتعامل معاهم إزاي.

ودول شوية حاجات ممكن نشتريهم هتفيدنا جدًا في عربياتنا.

1- ممسحة بلاستيك وبخاخ للزجاج

2- زيت محرك 4 gjv من موبيل 1 Super 15W-50 مع لتر اضافي

3- كابل بطارية السيارة من اليسر 400 امبير

4- ضاغط هواء 2 سليندر 12 فولت يضغط الهواء بقوة 85 لتر/الدقيقة

أسعار المنتجات الواردة في المقال قابلة للتغيير في أي وقت من قبل المتجر الشريك لوفرإكس